Бұл оқу тамақ болар қарны ашқанда, Жол табар қараңғыда адасқанда. Мал озбас, біле білсең білім озар, Ақыры керек болар бір сасқанда – деп Міржақып ақын айтпақшы, тарыдай болып кіріп, ақыл ойлары толысып, оң мен солын танып жақсы мен жаманды айыра білуді үйренген шәкірттеріміздің ұйымдастыруымен өткізілгелі отырған «Бастауышым - балбұлағым» атты мерекелік ертеңгілігімізге қош келіпсіздер!!
Армысыздар, құрметті ата - аналар, қымбатты әріптестер, оқушылар! Бүгінгі күн осында отырған бәріміз үшін ерекше күн. Оның ерекшелігі сол, осыдан 4 жыл бұрын мектеп табалдырығын жүрексіне аттаған балаларыңыз білімнің негізі болатын бастауышта оқып, білім алып, қанаттарын қатайтып бастауыш сыныппен қоштасқалы отыр. Бесіктегі баланың, күлгенін көрген - бір бақыт.
Алдына түсіп ананың, жүргенін көрген – бір бақыт! – дегендей, бастауыш сыныпты бітіруші түлектеріміз бүгін сіздер үшін бар өнерлерін көрсетіп, тағы да бір бақытқа кенелтпекші! Толқимыз, толқып тұрсыз баршаңыз да Мұндай күй болған сірә қаншаңызда Қол соғып, қошеметтеп шақырайық 4 «б» сыныбын ортамызға! Музыка әуенімен бастауыш сынып түлектері ортаға келеді. Осынау кішкене бүлдіршіндерге деген ақ тілек, ақ ниетін білдіру үшін ортаға мектебіміздің............................................. және ата - аналар атынан ата - аналар комитетінің төрайымы Құрақбаева Ұлбосын апайға сөз береміз. Мұғалім: Сіздердің алдарыңызда тұрған 4 «б» сынып оқушылары осыдан 4 жыл бұрын 6 жасар бала болса, бүгін міне, ес біліп, етек жиған шәкірт. Мектеп табалдырығын аттаған күннен бастап бастарынан өткізген «Әліппемен қоштасу», дәстүрлі Наурыз тойлары, «Әнші балапан», «Қыз сыны», «Көктем аруы», «Кішкентай жігіт сұлтаны», «Күзгі балл», мәнерлеп оқу сайыстары мен әртүрлі тақырыпта ұйымдастырылған көрмелер, сыныпаралық спорттық жарыстар, ашық сабақтар мен тәрбие сағаттары балалардың есінде ұзақ сақталары сөзсіз.
Армандасаң да, қиялдасаң да балалық шағың көз алдыңа келеді. Өйткені, биік асуға беттеген аяулы ғұмыр, ғажайып өмір осынау бал күлкілі балалық шақтан басталады. Міне, бүгін біздің бүлдіршіндер өміріне өшпес із қалдырған бастауыш сыныбымен қоштасып, бір жылға тағы да есейгелі отыр. Ендеше, осынау балапандарымыз қызықты да ғаламат өзгерістер сыйлаған, білім нәрімен сусындатқан, өмірде өз жолдарын табуға жол сілтеген ұстаздарына, ата - аналарына өздерінің 4 жыл бойы алған білімдері мен өнерлерін көрсетуге дайын. Олай болса, ертеңгілігімізді бастайық! Көрініс: «Қош бол, сүйікті бастауышым!!» Ән: Армандастар! Азамат: Бала шаққа болашақты жырлатып, Шәкірттерге ой түзеткен сымбатты. Күн нұрындай сәуле құйған көңілге, Армысыздар, ұстаздарым қымбатты Ботагөз: Армысыздар әжелер мен аналар Ұрпағыңыз күнде өзіңнен бата алар. Ел дәстүрін мәңгі сыйлап оқы деп, Үйреткен ғой Абай, Ыбырай бабалар Мадияр: Армысыздар өр тұлғалы әкелер! Қыран құстай балапанын мәпелер. Бүгін міне бастауышпен қоштасады, Азамат боп, кешегі сәби - еркелер! Ардақ: Армысың сен, алтын ұя мектебім Саған айтар жыр - алғысым көп менің Жүректерге жаққан білім шырағын, Мектебіме арналады бұл әнім! Ән: Мектебім Қанағат: Иә мектебімізге қандай жыр арнасаң да жарасады. Ендеше сыныптастарымыздың мектепке арнаған жырларын тыңдайық! Айбек: Армысың сен алтын ұя мектебім, Саған айтар жыр алғысым көп менің. Жүректерге жаққан білім шырағын, Мақтан етем сені мәңгі мектебім. Мектеп деген білім кені, жыр кені, Мектеп деген ғылымның ең үлкені. Мектеп деген тәрбиеші адамға. Мектеп деген даналардың мекені. Бақыт: Мектебім - білім берер алтын ұям. Ер жетіп сенде сөзім, артты санам. Баулыған 4жыл бойы ата - анамдай. Әрқашан қасиетті атың маған. Арада өтсе дағы дүркіреп жыл, Әр күні балалықтай бір жүрек бұл.
- Сәлем Бәтеңке! - Сәлем! - Ей, неге көңіл - күйің жоқ? Түріңе не болған? - Қайсы бірін айтайын, мені егем даланың лайы мен қарына киіп, рақатымды көрді. Енді мені керек етпестей лақтыра салды. Түрім болса мынау, бір майлап, сүртуді де білмейді. Содан ренжіп кетіп барамын. Менің де қадірімді біліп, сен секілді таза ұстайтын бір адам табармын. - Сұмдық - ай, мынауысы дұрыс болмапты. Мені егем күндн кешкісін сүртіп, тазалап, майлап қояды. Көктем шыққансын жуындырып, далаға кептіруге іліп қойды. Қарашы маған, менен ешбір әжім көрмейсің. - Иә, солай. - Енді қайда бармақсың? Оданда менімен қалсаңшы. - Мен сияқты ұсқынсыз бәтеңкені қажет ете ме? - Әрине, ол өте мейірімді - Олай болса, жарайды. Далада қисайып жатқан ескі бәтеңкені көрген Сәлім ағай жерден көтеріп алды да үйіне алып кетті.
Мен Астанада оқысам деп армандамын. Өйткені онда жақсы окытады, дарынды мектептер көп. Және ол біздің елдің бас қаласы. Онда тұрсам мен бәйтеректі күнде көретін едім. Астанада ағылшынша да мектептер ба. Менің арманым Астанада оқу.