<span>Жазғытұры қалмайды қыстың сызы, </span> Масатыдай құлпырар жердің жүзі. Жан-жануар, адамзат анталаса, Ата-анадай елжірер күннің көзі.
<span>Жаздың көркі енеді жыл құсымен, </span> Жайраңдасып жас күлер құрбысымен. <span>Көрден жаңа тұрғандай кемпір мен шал, </span> Жалбаңдасар өзінің тұрғысымен.
<span>Қырдағы ел ойдағы елмен араласып, </span> Күлімдесіп, көрісіп, құшақтасып. <span>Шаруа қуған жастардың мойыны босап, </span> Сыбырласып, сырласып, мауқын басып. <span>Түйе боздап, қой қоздап – қора да шу, </span> Көбелекпен, құспенен сай да ду-ду. Гүл мен ағаш майысып қарағанда, Сыбдыр қағып, бұраңдап ағады су.
<span>Көл жағалай мамырлап қу менен қаз, </span> Жұмыртқа іздеп, жүгіріп балалар мәз. Ұшқыр атпен зырлатып тастағанда, Жарқ-жұрқ етіп ілінер көк дауылпаз. Құс қатарлап байлаған қанжығаға Қыз бұраңдап жабысып, қылады наз.
Жазға жақсы киінер қыз-келіншек, Жер жүзіне өң берер гүл-бәйшешек. <span>Қырда торғай сайраса, сайда - бұлбұл, </span> Тастағы үнін қосар байғыз, көкек.
<span>Жаңа пұлмен жамырап саудагерлер, </span> <span>Диханшылар жер жыртып, егін егер. </span> Шаруаның бір малы екеу болып, Жаңа төлмен көбейіп, дәулет өнер.
<span>Безендіріп жер жүзін тәңірім шебер, </span> <span>Мейірбандық дүниеге нұрын төгер. </span> Анамыздай жер иіп емізгенде, Бейне әкеңдей үстіңе аспан төнер.
<span>Жаз жіберіп, жан берген қара жерге </span> Рахметіне алланың көңіл сенер. <span>Мал семірер, ақ пенен ас көбейер, </span> Адамзаттың көңілі өсіп көтерілер.
Қара тастан басқаның бәрі жадырап, <span>Бір сараңнан басқаның пейілі енер. </span> Тамашалап қарасаң тәңірі ісіне, Бойың балқып, ериді іште жігер. Күн жоқта кісімсінер жұлдыз бен ай, Ол қайтсін қара түнде жарқылдамай, Таң атқан соң шығарын күннің біліп, Өңі қашып, бола алмас бұрынғыдай.
Күн – күйеу, жер – қалыңдық сағынышты, Құмары екеуінің сондай күшті. Түн қырындап жүргенде көп қожаңдап, Күйеу келді, ай, жұлдыз к... қысты.
Ай, жұлдызға жылы жел хабар беріп, Жан-жануар қуанар тойға елеріп. Азалы ақ көрпесін сілке тастап, Жер күлімдер, өзіне шырай беріп.
Күн – күйеуін жер көксеп ала қыстай, Біреуіне біреуі қосылыспай, Көңілі күн лебіне тойғаннан соң Жер толықсып, түрленер тоты құстай.
Адам тіктеп көре алмас күннің көзін, Сүйіп, жылып тұрады жан лебізін. Қызыл арай сары алтын шатырына, <span>Күннің кешке кіргенін көрді көзім. </span>
Қазақстанда тұратын басқа ұлт өкілдерінің өз тілдерін сақтауына, дамытуына жасалып жатқан қамқорлық баршылық, бұл – жақсы. Менің қанағаттанбаушылығым қазақ тіліне, мемлекеттік тілге байланысты. Жалпы, біздегі тіл мәселесі дегенде, әңгіме тек қазақ тілі туралы болуы керек қой. <span>Тілші ғалымдардың айтуына қарағанда, жыл сайын дүние жүзінде шамамен 25 тіл жойылады екен. Әрине, қазақ тіліне ондай қауіп әзірге төніп тұрған жоқ. Сондай-ақ бір миллион адам сөйлейтін тіл өлмейді дейтін тағы бір пікір бар. Бірақ, солай екен деп қол қусырып немесе көпірме сөзді малданып отыра беруге болмайды. </span> <span>Мемлекеттік тілдің қолдану аясын кеңейту тұрғысында айтсақ, бұл жерде алдымен намыс жетпейді, жеті атасынан бері қазақ болып келе жатқандардың, Қазақстанды мекен етушілердің қазақша білмеуі – сол намыссыздықтан. Ал мемлекетке қызмет ететін, қызмет етуге тиіс қызметкерлер мен шенеуніктердің сол мемлекеттің тілін білмеуі – ниеттің жоқтығынан. Президент “Ана тілі” газетінде айтты ғой, мына әкімқаралар мен министрлер сол айтылғандарды асыра орындамаса да, жетеғабыл етсінші. Жетіп жатыр.</span>